वर्डप्रेस

वर्डप्रेसमध्ये प्लगिन कसे इन्स्टॉल करावे?

how-to-install-wordpress-plugin-marathi

वर्डप्रेस प्लगिन्सच्या मदतीने वेबसाईटवर नवनवीन फीचर्स वाढवता येतात. वर्डप्रेसवर सध्या हजारो मोफत आणि विकत प्लगिन्स उपलब्ध आहेत. तुम्ही जर wordpress.com वापरत असला तर तुम्हला प्लगिन इन्स्टॉल करता येणार नाही. आजच्या ब्लॉगमध्ये आपण wordpress.org वर प्लगिन कसे इन्स्टॉल करावे हे पाहणार आहोत.

टॉप १० वर्डप्रेस प्लगिन जाणून घेण्यासाठी येथे क्लिक करा.

वर्डप्रेसवर तुम्ही ३ प्रकारे प्लगिन इन्स्टॉल करू शकता : वर्डप्रेस प्लगिन सर्चद्वारे, अपलोड करून, FTP द्वारे

१. वर्डप्रेस प्लगिन सर्चद्वारे प्लगिन इन्स्टॉल करणे

वर्डप्रेस प्लगिन हि प्लगिन इन्स्टॉल करण्याची सर्वात सोपी पद्धत आहे. परंतु याद्वारे तुम्ही केवळ वर्डप्रेस डिरेक्टरीमध्ये उपलब्ध असणारे मोफत प्लगिन्स इन्स्टॉल करू शकता.

वर्डप्रेस डॅशबोर्डवरील प्लगिन्स टॅबमधील Add New वर क्लिक करून सर्च बॉक्समध्ये तुम्हाला हवे असलेले प्लगिन सर्च करा. Install Now वर क्लिक करून हवे असणारे प्लगिन इन्स्टॉल करा. ऍक्टिव्हेट केल्याशिवाय वर्डप्रेस प्लगिन काम करत नाही त्यामुळे इन्स्टॉल केल्यावर प्लगिन ऍक्टिव्हेट करा.

२. अपलोड करून प्लगिन इन्स्टॉल करणे

विकत आणि प्रीमियम व्हर्जन असलेले प्लगिन पहिल्या पद्धतीने इन्स्टॉल करता येत नाहीत. तुम्ही जर एखादे प्लगिन विकत घेतलेले असेल तर तुम्हाला ते अपलोड करून इन्स्टॉल करावे लागेल.

वर्डप्रेस डॅशबोर्डमधील प्लगिन ऑप्शनवर क्लिक करून स्क्रिनशॉटमध्ये दाखवलेल्या Upload Plugin वर क्लिक करा.

Choose file वर क्लिक करून प्लगिन फाईल निवडून Install Now वर क्लिक करून प्लगिन इन्स्टॉल व ऍक्टिव्हेट करा. यापद्धतीने प्लगिन इन्स्टॉल करतांना ते प्लगिन विश्वासार्ह्य आहे कि नाही हे नीट तपासावे.

३. FTP द्वारे प्लगिन इन्स्टॉल करणे

बऱ्याचदा होस्टिंगवरील काही लिमिटेशन्समुळे वरील दोघे पद्धतीने प्लगिन इन्स्टॉल करता येत नाही. अशा वेळी एफटीपीद्वारे प्लगिन इन्स्टॉल करावे लागते. तुम्ही जर cPanel होस्टिंग वापरात असला तर त्यातील फाईल मॅनेजरच्या मदतीने तुम्ही प्लगिन अपलोड करू शकता.

cPanel होस्टिंग फाईल मॅनेजर

cPanel होस्टिंग नसेल तर FileZilla, Cyberduck सारखे FTP client वापरू शकता. FTP युजरनेम आणि पासवर्डसाठी तुमच्या होस्टिंग कंपनीशी संपर्क साधा.

FileZilla FTP Client

तुमच्या वर्डप्रेस पाथमधील /wp-content/plugins/ या फोल्डरमध्ये तुमची प्लगिन फाईल अपलोड करा. फाईल पूर्ण अपलोड झाल्यावर वर्डप्रेस डॅशबोर्डद्वारे प्लगिन्समध्ये जाणून अपलोड केलेलं प्लगिन ऍक्टिव्हेट करा. यापद्धतीने प्लगिन इन्स्टॉल करतांना ते प्लगिन विश्वासार्ह्य आहे कि नाही हे नीट तपासावे.

ब्लॉग आवडल्यास नक्की शेअर करा. काही प्रश्न असल्यास कमेंट करा.

About the author

तुषार महेश भांबरे

६ वर्ष डिजिटल मीडियामध्ये काम केल्यानंतर आता टेक ड्रिफ्ट सोल्युशन्स हि वेब डेव्हलपमेंट व डिजिटल मार्केटिंग कंपनी सुरु केली आहे. वर्डप्रेस, नवनवीन गॅजेट्स, सोशल मीडिया व तंत्रज्ञान याविषयी विशेष आवड आहे.

2 Comments

तुमची प्रतिक्रिया द्या

%d bloggers like this: